ازاي اكتب ايميل لمورد خارجي مشتريات خارجية

 كمهندس مشتريات 🦾🧑‍💻👷

لانك بتتعامل مع موردين في الخارج ..

لازم تتعلم تكتب اميل صح علشان شغلك يكون مظبوط

1- خلي بالك من الاخطاء الاملائية كويس جدا
لو الاميل بالعربي حاول تدخل علي موقع (المعاني) لو انجليزي (Grammarly)مش عيب انك تتعلم بس عيب اوي لما تبعت اميل و في اخطاء و انت قدامك طرق للتاكد من كتابتك
2- توقيت ارسال الايميلات :
مهم جدا تعمل جدولة لايميلاتك علشان لو بترسل لحد بره مصر وهما بيشتغلو في وقت مختلف الايميل بتاعك يوصلة في الوقت المظبوط و اليوم المظبوط بلاش تبعت ايميلات في اوقات العطلات او الاجازات
3-انت هتبعت لمين الاميل :
to : دا الشخص اللي انت باعت ليه هو الايميل
cc : دا الشخص او الاشخاص المشرفين اللي انت حابب انهم يعرفو انه انت بعت الميل
bcc : دي نسخة مخفية من الايميلات لو حابب تبعت لكذا حد و مش حاببهم يعرفو بعض او حابب تخلي حد موجود يشوف الايميلات بس مخفي عن الباقي
4- العنوان :
دا مهم جدا علشان لما ترجع تبحث او تدور علي الميل تلاقية
علشان اللي قدامك يعرف الايميل دا بخصوص ايه
مثلا : انا الموضوع بتاع الايميل بيسال عن عرض سعر
RFQ / ABB Motor
5-لازم ايميل يكون متقسم 3 اجزاء
مقدمة + توجية للشخص المرسل ليه الايميل + لقبه
محتوي الايميل
خاتمة بسيطة او ملاحظة
6- لازم يكون ليك امضاء في اخر الايميل
علشان الناس تعرف انت مين و دورك ايه في شركتك و ارقام للتواصل معك
7- لو هتحط مستندات متنسهاش
8- بلاش الايميلات الطويلة علي الفاضي (الايميل المثالي من 50ل 200 حرف )
9- حدد موضوعك في كذا نقطة
10-راجع الايميل و نسقة كويس قبل ما تبعته