طرح المشروعات

 كمهندس مشتريات 👷🦾🧑‍💻

لازم تعرف الاتي :
اي طرح لمشروع بيكون عن طريق اسلوبين .
١- المنافسة
٢- الاتفاق المباشر

المنافسة بقي بتنقسم لجزئين :
أ- مناقصة : كل شركة بتقدم عطاء او عرض اسعار في اظرف مغلقة لجان البت و الفحص لاختيار الافضل .
ب_ ممارسة : الشركات بتتجمع في مكان واحد و بتقدم الاسعار و بيكون الموضوع اشبة بمزاد .

عندنا بقي :
-مناقصة و ممارسة عامة : دا التقديم فيهم كل الفئات من المقاولين و الشركات .
- مناقصة و ممارسة محدودة : دي بتكون محددة الفئات او الشركات او الموقع الجغرافي .
- مناقصة و ممارسة محلية : دي في المشاريع الصغيرة اللي قيمتها اقل من ٥٠٠ الف جنية مصري .
- الاتفاق المباشر : دي في المشاريع المهم فيها الوقت و بتكون بالاتفاق بين الجهة و المالك و دي طبقا لقانون رقم ٧ من قانون ٨٩ للمناقصات و المزايدات .

دلوقت بقي خلاص انت كمقاول هتقدم علي الطرح :
1-بيكون مطلوب منك تجهز شوية اوراق ( سجل تجاري – بطاقة ضريبية – قيد موردين – بطاقة استيرادية – سابقة اعمال - .... )
2- تجهيز العرض الفني و المالي .
3- دفع التامين الخاص بالطرح .

طيب هل في معاير للجنة البت الفني في الاختيار ؟
طبعا في معاير اسمها (الاوزان النسبية المعدة مسبقا )
1-بيتم ترتيب المقاولين من 1 ل 10 مثلا كل مقاول رقم
2-اعطاء كل مقاول درجة من 1ل 10 درجات مقابل الاتي :
أ-الهيكل التنظيمي للشركة الوزن النسبي (25%)
ب- سابقة الاعمال (35%)
ج-امكانية تسليم المشروع في الموعد المحدد (15%)
د-الوضع المالي للشركة (15%)
هـ- تطبيق معاير الجودة و السلامة و الصحة المهنية(10%)

لجنة البت المالي : يتم اختيار المقاول الاقل سعرا دون النظر للعرض الفني .

بعدها بيتم دمج العرض الفني و المالي لاختيار الافضل .

معادلة الدمج : العرض المالي ÷ العرض الفني = الناتج × ١٠

الترسية :
اختيار المقاول اللي تم اختياره و يتم اعلامة لدفع التامين .
التأمين نوعين :
1-تأمين ابتدائي : بيكون حوالي 5 % من قيمة التعاقد و بيتم دفعة قبل التنفيذ
2-تأمين مؤقت : بيكون حوالي 1% وذلك لاثبات جدية تعاقد المقاول

مثال: لكيفية عمل لجنة البت الفني