ازاي احسب حجم الشحنة ??
كمهندس مشتريات 👷🚨
ازاي احسب حجم الشحنةFCL
في شغل الحاويات ال 20&40&HQ
حاويات ال20 قدم لازم ناخد بالنا من طول و عرض و ارتفاع البضاعه يعني مثلا عرض الباب الحاوية حوالي 2.34 سم و طولها حوالي 2.28 سم فمينفعش مثلاً تدخل بضاعه عرضها أو ارتفاع 3 متر طولها حوالي 5.90متر
عادة شحن حاوية 20للبضاعة اللي بتوزن و ال40 بتبقي بتاخد حجم اكبر يعني مثلا الرخام و السيراميك في حاويات ال20. بينما مثلا برسيم حجازي في حاويات 40 و علي كيوب
عادة حاويات ال20 وزن ال25 طن و ممكن تاخد استثناء من الخط
Standard volume 33cbm
بس هي عادة من 25-28 متر مكعب
هو أنا ممكن اشحن بضاعة loose سائبة في الحاويات. اه ممكن بس لازم تاخد موافقة الخط و توضح في طلب السعر طريقه تعبئه البضاعه و كمان الخط بيبقي ليه اشتراطات
في الحد الاقصي لارتفاع ووزن و طريقه التحميل و وجود زي ارضيه بيوفرها الشاحن و ساتر زي مثلا مشمع/غلاف.
***برجاء مطالعة ابعاد الحاويات في الشارت الاستدلالي المرفق منقول
من النت.
LCL
دائما في الشحن البحري بنحسب بالمتر المكعب
يعني عندك مثلا 5 طرود وزن كل طرد 150 كيلو
و أبعاده ب السنتيمتر 80*60*100 سم
Length*Width*Height.
كل اللي هنعمله هنحول السنتيمتر الي متر وتضرب في عدد الطرود
يعني 1*0.60*0.80*5=2.4 متر مكعب
و الكسر بيجبر لاعلي يعني 3متر مكعب
طيب الوزن كام 750كجم
في حساب التكلفة بنعتد بايهما اكبر الوزن بالطن أو الحجم
هنا اقل من 1طن و 3متر مكعب يبقي هنحسب علي 3
طيب لحد كام متر اشحن جزء من حاوية. المتعارف عليه 8متر مكعب بس عادي جدا في ناس كتير ممكن تشحن جزء من حاوية لحد مثلا 20متر مكعب لأن بيبقي. عندهم حسابات تانية من حيث التكلفة أو التخزين و النقل
Airfreight
الحساب في الشحن الجوي بالسنتيمتر
Length*Width*Height. X number of package /6000
100*60*80*5/6000=400kgs
Gross weight =750
كل متر مكعب =167كجم
هنا الوزن الفعلي اكبر من الوزن الحجمي فيعتد بالوزن الفعلي كمقياس الحساب التكلفة
بنسميه. Chargeable weight
في أكثر من بند في السعر الجوي انت بتاخد
سعر الكيلو و ده بيخضع لشرائح
M -45 N+45+100+250/300+500+1000
و كل ما الوزن زاد السعر بيقل و بيكون بالمصري
في بعض الخطوط بالذات لوجهات مطارات امريكا بيكون السعر بالدولار الامريكي
سعر الوقود و الامن بيكون بالكيلو و في حد ادني و ده بيتحسب في وزن الشحنة الفعلي و في كتير دلوقتي ممكن يحسب علي ايهما اكبر
سعر البوليصة الكلية
احيانا بيتحسب كمان علي كل بوليصة فرعية
طبعا في سعر الخضار و الفاكهه و في سعر البضائع العادية و في البضائع النفيسة و الخطر و الحيوانات
و بالنسبة لشغل التخليص الجمركي في الصادر ليدفع ارضيات بتبقي لمدة حوالي 3ايام
في الوارد انت بتدفع الأرضيات مع الصرف اخدت بقي اسبوع شهر علي حسب و في المطار بيختلف الاماكن
تعليقات
إرسال تعليق